Иако Светското првенство неодамна заврши, веќе почнуваат подготовките за следниот Мундијал. Домаќини на шампионатот во 2030 година ќе бидат Шпанија, Португалија и Мароко, додека воведните натпревари ќе се одиграат во Уругвај, Парагвај и Аргентина, во чест на стогодишнината од првото Светско првенство.

Додека ФИФА сè уште не го потврдила конечниот формат на турнирот, сè погласни се шпекулациите дека на Мундијалот би можеле да настапат дури 64 репрезентации. Во меѓувреме, започнува и битката за телевизиските и дигиталните права за пренос на најголемиот фудбалски спектакл.

Според информации на медиуми кои ги следат случувањата во светот на медиумскиот бизнис, интерес за правата покажале неколку од најголемите светски стриминг компании. Меѓу нив се Нетфликс, Дизни, како и Алфабет, компанијата-сопственик на платформата Јутјуб.

Наводно, овие технолошки гиганти ќе се обидат да ги преземат правата што во моментов ги поседува телевизиската мрежа Фокс. Проценките се дека потенцијалниот договор би можел да достигне вредност од 1,5 до 2 милијарди долари, што би го направило еден од највредните договори во историјата на спортските преноси.

Според најавите, официјалните преговори меѓу ФИФА и заинтересираните компании би требало да започнат до крајот на есента. Порталот „Атлетик“ претходно објави дека Фокс за актуелниот пакет телевизиски права издвоил 485 милиони долари.

Инфантино возврати на критиките за Светското првенство: „Имавме стопроцентна безбедност, само радост и среќа“