Пресврт: Дарко Чурлинов ќе игра повторно во Полска, но не во клубот каде што се најавуваше
Македонскиот репрезентативец Дарко Чурлинов кариерата ќе ја продолжи во Полска, но не во Видзев Лоџ, како што се најавуваше изминатите денови, туку во редовите на Погон Шчечин.
Препорачано
Според информациите на полските медиуми, двете страни постигнале конечен договор, а официјалната потврда на трансферот се очекува уште во текот на денот.
До неодамна изгледаше дека Чурлинов е пред потпис со Видзев Лоџ, кој дури планирал да го претстави пред своите навивачи пред натпреварот против Мотор в недела. Сепак, во последен момент дошло до пресврт, откако Погон Шчечин испратил поповолна понуда, по што македонскиот фудбалер ја променил својата одлука.
За Чурлинов ова ќе биде враќање во полскиот шампионат, каде што претходно настапуваше за Јагелонија и остави одличен впечаток. Минатата сезона, пак, беше член на турскиот Кочаелиспор, а сега повторно ќе има можност да се докажува во првенство кое добро го познава.
🚨 BREAKING NEWS 🚨
𝑷𝒐𝒓𝒕𝒐𝒘𝒄𝒚 𝒑𝒐𝒛𝒚𝒔𝒌𝒂𝒋ą 𝒏𝒐𝒘𝒆𝒈𝒐 𝒔𝒌𝒓𝒛𝒚𝒅ł𝒐𝒘𝒆𝒈𝒐? ⚓️⚽️🔵🔴 Jak podaje Maciej Sobczak, były skrzydłowy Jagiellonii Białystok przyleciał do Szczecina, gdzie prowadzi rozmowy z Pogonią w sprawie transferu.
26-letni reprezentant Macedonii… pic.twitter.com/jpsUDooEgh
— Twierdza Futbolu ⚽️🏰 (@twierdzafutbolu) July 26, 2026
