35-годишен битолчанец, кој избегал од прилепскиот затвор, пред два дена е уапсен во родниот град заедно со уште еден битолчанец, со кого според полицијата од продавница украле околу 30 штеки цигари.

„Полициски службеници од СВР Битола на 24 јули ги лишиле од слобода 35-годишниот Ѓ.З. и 29-годишниот А.Ј., двајцата од Битола. Тие се осомничени дека истиот ден извршиле тешка кражба во маркет на улицата „Север-југ“. При претрес во домот што го користеле осомничените биле пронајдени украдените цигари. Производите потоа му биле вратени на сопственикот на маркетот. Дополнителната полициска проверка открила дека Ѓ.З. се бара по потерница поради бегство од Казнено-поправната установа Затвор Прилеп. Тој во установата издржувал затворска казна во траење од осум месеци“, велат од МВР.

Ѓ.З. е вратен во затворот во Прилеп, а против него и компањонот полицијата ќе поднесе пријава за последната кражба, додаваат од полицијата.

Долго ќе лежи убиецот кој пијан претепа пријател во Стар Дојран и го остави да умре