Финансиската полиција до Обвинителството во Гевгелија поднесе кривична пријава против сопственик и управител на правно лице, како и против самото правно лице, поради сомнение дека сториле кривично дело „даночно затајување“, со што го оштетиле буџетот за 3.852.067 денари, односно нешто над 60.000 евра.

„Првопријавениот Т.Д., во својство на управител на второпријавеното правно лице, свесно и со однапред утврдена намера да се стекне со противправна имотна корист за себе и за правното лице, во периодот 2024–2025 година, постапувајќи спротивно на членовите 23 и 54 од Законот за управување со дополнителни текови на отпад, за увезениот текстил од страна на второпријавеното правно лице не пријавил и не платил надоместок за отпад кон Министерството за животна средина и просторно планирање на Република Северна Македонија, во вкупен износ од 3.852.067 денари. Со цел да го прикрие непријавувањето и неплаќањето на законскиот надоместок, првопријавениот на 17.04.2026 година покренал постапка за ликвидација на второпријавеното правно лице пред Централниот регистар на Република Северна Македонија“, соопшти финансиска полиција.

ВИДЕО | Полицијата пронајде кокаин во Скопје, го криеле под бебешко кадифено мече