Вардар утре ќе го одигра реваншот против Рига во второто квалификациско коло од Конференциската лига на УЕФА, а капитенот Азер Омерагиќ верува дека неговиот тим сè уште има реални шанси да избори пласман во следната рунда.

„Црвено-црните“ во првиот натпревар во Скопје беа поразени со 3:2, но минималната негатива остава простор за оптимизам пред гостувањето во Летонија. Во пресрет на натпреварот, Омерагиќ порача дека ништо не е решено и дека Вардар ќе даде сè од себе за да дојде до посакуваниот резултат.

„По натпреварот во Скопје, ни следи реваншот во Рига. Ништо не е готово затоа што ни следи второ полувреме со ривалот. Ќе се бориме на терен, ќе играме за дресот и боите на Вардар, сакаме добро европско издание. Ако функционираме добро тактички и без грешки и ако ги следиме советите на тренерот од тренинзите, можеме до позитивен резултат за нас во Рига“, изјави Омерагиќ.

Реваншот меѓу Рига и Вардар е закажан за вторник со почеток од 19:00 часот, а македонскиот претставник ќе се обиде да ја анулира негативата од првиот дуел и да обезбеди место во следната фаза од натпреварувањето.

Фабијани: Утре мораме да играме трпеливо и тактички да бидеме перфектни

ФОТО | Вардар тренираше во Рига, каде што утре оди по победа за продолжување на европскиот пат