Англискиот фудбал подготвува воведување на ново правило со кое сака да стави крај на таканаречените „тактички тајм-аути“ и злоупотребата на медицинските паузи од страна на голманите.

Според предложените насоки, доколку главниот судија дозволи медицинскиот тим да влезе на теренот за да му укаже помош на голманот, тренерот на таа екипа ќе има само 10 секунди да одреди еден играч од полето кој привремено ќе го напушти натпреварот.

Избраниот фудбалер ќе мора да остане надвор од теренот една минута, што значи дека неговиот тим во тој период ќе игра со играч помалку додека голманот добива лекарска помош.

Новото правило предвидува и санкции доколку тренерот не постапи во предвидениот рок. Ако во рок од 10 секунди не биде именуван играчот што треба да излезе, тогаш капитенот на екипата автоматски ќе биде исклучен од игра во траење од една минута.

Со оваа мерка англиските фудбалски власти сакаат да ја спречат сè почестата пракса голманите без сериозна повреда да легнуваат на тревникот во моменти кога противникот има иницијатива. На тој начин тренерите добиваат можност да одржат краток состанок со играчите, да дадат дополнителни тактички инструкции и да го прекинат ритамот на противничката екипа.

Целта на предложените измени е да се зачува континуитетот на играта, да се намали симулирањето повреди и да се спречи тактичката злоупотреба на медицинските интервенции за време на натпреварите.

🚨 𝗡𝗘𝗪: The goalkeeper injury “tactical timeout” rule is coming to English football.

If the referee allows medical staff onto the pitch to treat a goalkeeper, their coach will have 10 seconds to nominate an outfield player who must leave the pitch for one minute.

If no… pic.twitter.com/ecnh5S7dkz

— The Touchline | 𝐓 (@TouchlineX) July 27, 2026

Следното Светско првенство можеби ќе се гледа на „Нетфликс“ и на „Јутјуб“