Одлична идеја за ова попладне: Чоколаден домашен сладолед – Леден десерт кој брзо се подготвува, а ќе ги освои сите ваши сетила!
Омилениот летен десерт, па уште и од чоколадо…. Дали можете да замислите нешто послатко во топлите денови?
Потребни состојќи:
– 5 белки
– 10 супени лажици шеќер
– 5 жолчки
– 5 дл слатка павлака
– 1 ванилин шеќер
– 300 мл млеко
– 200 гр црно чоколадо
– 100 гр лешници
Подготовка:
Млекото ставете го во сад на оган и добро загрејте го. Во чинија изматете ги жолчките па додадете им шеќер. Во жешкото млеко додадете ги жолчките и оставете смесата да се згусне како кога подготвувате пудинг, со постојано мешање. Потоа тргнете го садот од оган.
Изматете ги посебно белките па додадете ги во изладената смеса од млеко и жолчки. Потоа изматете ја и слатката павлака па додадете и го растопеното чоколадо. Соединете ги двете смеси (јајцата и млекото со слатката павлака со чоколадо).
Се добро измешајте и претурете ја смесата во сад кој ќе го ставите во замрзнувачот, а одозгора посипете со сецкани лешници. Оставете го сладоледот во замрзнувач најмалку три часа.
При сервирање можете да додадете и чоколаден или пак карамела прелив, топено чоколадо и сл, бидете креативни…
Уживајте!!!