Сите ги сакаат пржените компирчиња, а ако сакате поедноставна и поздрава верзија, постои одличен трик за од рерна да изгледа како да сте ги пржеле во длабоко масло!

Пржените компири ги сакаме поради нивната крцкава златна кора, но ги избегнуваме бидејќи се пржат во многу масло. Но, постои едноставен трик што ќе му даде на обичниот компир печен во рерна текстура како да е пржен во тава.

Тајната е во само една состојка, малку брашно. Брашното формира тенок слој околу компирите, кој во текот на печењето создава крцкава кора, додека внатрешноста останува мека и сочна. Компирите не впиваат вишок маснотии, а резултатот е совршена комбинација, крцкави однадвор, меки однатре.

Состојки за околу 500-700 г компири:

– 2-3 лажици брашно
– сол по вкус
– мелена црвена пиперка
– лук во прав
– бибер
– малку масло

Подготовка:

Чекор 1: Подготовка на компири

Компирите исечете ги на парчиња како за помфрит. Потоа потопете ги во ладна вода околу 15 минути. Овој чекор е важен бидејќи го отстранува вишокот скроб што може да спречи формирање крцкава кора. Потоа, добро исушете ги компирите со хартиена крпа. Колку се посуви компирите, толку подобра ќе биде кората.

Чекор 2: Зачини

Во сад измешајте ги брашното и зачините, додајте ги компирите и добро измешајте така што секое парче ќе биде лесно обложено. Потоа додајте малку масло и повторно измешајте.

Чекор 3: Редење на компирите

Компирите распоредете ги на плех обложен со хартија за печење во еден слој. Внимавајте компирите да не бидат збиени, во спротивно ќе се варат во сопствена пареа наместо да добијат крцкава кора.

Чекор 4: Печење на компирите

Печете во добро загреана рерна на околу 220 степени додека не добијат златна боја. На половина од печењето, свртете ги за рамномерно да се запечат од сите страни. Резултатот е компири што изгледаат и се крцкави како пржените, но подготвени со мошне помалку масло.