Секој полнолетен посетител на Лувр кој доаѓа од земји надвор од Европската унија, Исланд, Лихтештајн и Норвешка, од среда ќе мора да плати билет од 32 евра. Тоа е зголемување од дури 45 отсто. Во исто време, влезот во дворецот Версај ќе биде поскап за три евра, објави „Франс24“ .

Најпогодени ќе бидат Американците, државјаните на Велика Британија и Кина, кои се меѓу најбројните странски посетители на музејот, но и туристите од посиромашните земји.

Синдикалните здруженија остро се спротивставија на ваквите промени во политиката за наплата на влезници и повикаа на штрајк.

Според нив, голем дел од музејската колекција, која брои речиси половина милион експонати и потекнува од Египет, Блискиот Исток и Африка, претставува универзални човечки вредности. Затоа, тие сметаат дека различните цени на билетите според потеклото на посетителите се дискриминаторски.

Од синдикатите додаваат дека поскапите билети за речиси 10 евра не се практични ниту од организациски аспект, бидејќи ќе бараат проверка на идентитетот на посетителите.

Посетата на Лувр и понатаму ќе биде бесплатна за малолетници од сите земји, како и за оние од Европа помлади од 26 години.

Парискиот музеј Лувр делумно отворен: Продолжува штрајкот на работниците

Во Париз уапсени уште четворица осомничени за кражбата на векот во Лувр