Француските власти денеска уапсија уште четири лица во истрагата за минатомесечната спектакуларна кражба на царски накит преку ден на царски накит од музејот Лувр, соопшти парискиот обвинител, пренесува Франс24.

„Станува збор за двајца мажи на возраст од 38 и 39 години и две жени на возраст од 31 и 40 години, сите од регионот на Париз“, изјави Лор Беко, откако уапси и обвини уште четири лица за грабежот од 19 октомври.

Се потсетува дека видео од безбедносните камери на музејот снимило четири сторители како ја спроведуваат смелата операција на 19 октомври, во иконскиот музеј на француската престолнина.

Користејќи кран, двајца од нив провалиле во галеријата Аполо и одзеле накит од француската кралска колекција, чија вредност се проценува на 88 милиони евра.

Другите двајца соучесници останале пред музејот за да го организираат бегството на групата .

Првите апсења беа извршени откако со ДНК тестови беа идентификувани двајцата сторители кои влегле во просториите – Ајед Г. и Абдулаи Н. – а подоцна беше уапсен и Слиман К., за кој се верува дека возел еден од двата мотоцикли користени во операцијата. Се верува дека осомничениот уапсен денеска е четвртиот човек во групата.

Досега, властите сè уште го бараат вредниот накит, додека истрагите се во тек за да се идентификуваат можните организатори или умови на импресивниот грабеж.