Украина во текот на ноќта ги нападна Москва и околниот регион со 400 дронови, при што беа повредени 10 луѓе и беа запалени повеќе објекти, соопштија руските власти.

Гувернерот на Московската Област, Андреј Воробјов, во соопштение на „Телеграм“ наведе дека седуммина, меѓу кои и тројца кинески државјани, биле повредени во напад со дронови врз градот Домодедово, во близина на еден од главните московски аеродроми.

Градоначалничката на Домодедово, Евгенија Хрусталјова, соопшти дека избувнал пожар во локален индустриски парк, а бил погоден и станбен објект.

Ukrainian drones struck Podolsk near Moscow overnight, setting a fuel depot on fire. Local reports said the Wildberries logistics hub in the area was also hit. Moscow Mayor Sergei Sobyanin said ~400 drones had been launched toward the Moscow region overnight. #Ukraine pic.twitter.com/tO0xObIBXT

— NOELREPORTS 🇪🇺 🇺🇦 (@NOELreports) July 20, 2026

Украинскиот претседател Володимир Зеленски изјави дека Киев погодил логистички објекти и складиште за нафта во регионот на руската престолнина.

Појужно, во близина на границата со Украина, гувернерот на Белгородската област соопшти дека еден човек загинал, а четворица биле повредени во напад со дрон врз село во близина на границата.

Градоначалникот на Москва, Сергеј Собјанин, изјави дека повеќе од 400 „непријателски дронови“ биле лансирани кон Московската Област меѓу 20:30 часот вчера и 5 часот наутро денеска.

Повеќето биле неутрализирани од системите за противвоздушна одбрана на голема оддалеченост, вклучувајќи 85 дронови што биле уништени додека се приближувале кон руската престолнина.

Украина нападна магацини за нафта на југот на Русија, избувнаа големи пожари

„Вајлдберис“, најголемиот онлајн-трговец во Русија, соопшти дека неговиот логистички центар во Подолскиот округ, исто така во Московската Област, бил евакуиран како мерка на претпазливост, но подоцна продолжил со нормална работа.

Во саботата, во повеќе бранови украински напади со дронови загинаа седуммина работници во магацин на „Вајлдберис“, а десетици беа повредени. Во друг напад избувна пожар во складиште за нафта во поширокиот московски регион.

Украина ја обвинува компанијата „Вајлдберис“ дека продава воена опрема што се користи во руските воени операции.

Руското Министерство за одбрана соопшти дека системите за противвоздушна одбрана во текот на ноќта собориле 381 украински дрон над руските региони, Црното Море и Азовското Море.

ФОТО | Русија го нападнаа Запорожје — тројца луѓе загинаа и десетици се повредени, меѓу кои и деца