Горивата од утре повторно поскапуваат и одново ќе чинат повеќе од едно и пол евро за литар – најмногу ќе порасне цената на дизелот, кој поскапува за шест денари, а бензините ќе чинат три денари повеќе, одлучи Регулаторната комисија за енергетика (РКЕ).

Во Одлуката на РКЕ е применета Одлуката на Владата за намалени износи на акцизите за 1,00 ден/лит кај бензините ЕУРОСУПЕР БС-95 и ЕУРОСУПЕР БС-98, како и намален износ на акцизата за 2,00 ден/лит кај ЕУРОДИЗЕЛ (Д-Е V).

Екстралесното масло за домаќинство (ЕЛ-1) поскапува за 7 денари по литар, додека цената на мазутот се зголемува за 3,205 денари по килограм.

Владата претходно донесе одлука за намалување на акцизите на бензините и дизел-горивото, за да се ублажи поскапувањето, кое и покрај тоа е значително.

Еве ги новите цени на горивата, кои ќе важат од полноќ:

БС-95 – 90,00 (денари/литар)
БС-98 – 92,00 (денари/литар)
Дизел – 94,00 (денари/литар)
Екстралесно масло – 93,00 (денари/литар)
Мазут – 45,373 (денари/килограм)

Ќе се продава само гориво што ги исполнува стандардите – нова уредба по 19 години