Јеменските бунтовници Хути денеска прогласија поморска блокада на Саудиска Арабија, што веднаш стапува во сила. Хутите соопштија дека воведуваат „поморско ембарго против криминалниот саудиски непријател“, повикувајќи се на принципот „око за око“, јави „Ројтерс“.

Хутите тврдат дека блокадата е одговор на она што го нарекуваат продолжение на „неправедната и репресивна опсада на нашиот драг народ“ од страна на Саудиска Арабија речиси 12 години.

Тие го обвинуваат Ријад за ограбување на ресурсите на Јемен и за воведување сеопфатна блокада на неговите пристаништа и аеродроми.

Хутите минатата недела испукаа ракети кон Саудиска Арабија, откако ги обвинија саудиските сили за бомбардирање на аеродром под контрола на Хутите и истакнаа дека со тој напад е прекинато четиригодишното примирје во конфликтот меѓу кралството и бунтовничката група.

Ова беа првите напади врз Саудиска Арабија за кои Хутите ја презедоа одговорноста, откако неформалното примирје стапи на сила во март 2022 година, по нивните претходни напади врз саудиската енергетска инфраструктура.

На нападите на Хутите одговорот ќе биде од библиски размери, се закани Израел