ВИДЕО | Поранешното момче на Тејлор Свифт се ожени две недели по нејзината свадба
Фронтменот на британскиот бенд „Д 1975“, Мети Хили, стапи во брак со американската манекенка и музичарка Габриет Бехтел, само две недели откако неговата поранешна девојка, поп-ѕвездата Тејлор Свифт, го кажа судбоносното „да“ на американскиот НФЛ-играч Тревис Келси.
Препорачано
Хили (37) и Бехтел (28) се венчаа во саботата на приватна церемонија во Лос Анџелес, одржана на поранешниот имот на Мадона во Холивуд Хилс. Музичарот носеше црн смокинг, додека невестата избра класична бела венчаница.
Двојката е во врска од септември 2023 година, а свршувачката ја објавија во јуни 2024 година. Тогаш мајката на Хили, телевизиската водителка Денис Велч, јавно изјави дека не можела да биде посреќна поради нивната одлука.
🤍💍 Matty Healy is officially a married man … tying the knot with Gabbriette … just two weeks after his ex, Taylor Swift, walked down the aisle herself.
🎥 BACKGRID pic.twitter.com/5xRYUji0V4
— TMZ (@TMZ) July 19, 2026
Меѓу гостите на свадбената церемонија беа пејачката Чарли Екс-си-екс и нејзиниот сопруг Џорџ Даниел, кој е тапанар на „Д 1975“, како и Анастасија Караниколау, Фаи Кадра, Алекс Консани, Девон Ли Карлсон, Дјук Николсон, Сидни Лин Карлсон, Тајрел Хемптон, Алекс О’Конор и Квенлин Блеквел.
Во пресрет на свадбата, на социјалните мрежи се појавија снимки од ергенската забава на Хили, на која настапувал со трибјут-бендот „Д 9075“, изведувајќи песни од сопствената група. Во меѓувреме, Бехтел ја прослави моминската вечер во Лас Вегас.
Веста за свадбата доаѓа две недели откако Тејлор Свифт се омажи за Тревис Келси. Хили и Свифт беа во кратка врска во 2023 година, по раскинувањето на пејачката со актерот Џо Алвин.
Нивната романса траеше само неколку недели. Во тоа време извори блиски до парот тврдеа дека двајцата биле „во многу рана фаза од врската“, но дека биле силно вљубени и сакале јавно да ја живеат својата љубов. Сепак, еден месец подоцна американските медиуми објавија дека тие ставиле крај на врската.
