Поранешната финалистка на изборот за Мис Универзум на Јамајка, актерка и танчарка, Латоја Малколм, почина ненадејно во својата 36. година, а тажната вест за нејзината смрт ја потврди матичната организација преку официјално соопштение на социјалните мрежи. Малколм се натпреваруваше на престижниот избор во 2024 година, кога и покрај огромната семејна трагедија и смртта на нејзиниот татко, успеа да ја освои и титулата Мис Јамајка Бикини Интернационал, пренесува „Пипл“.

По таа победа, таа емотивно му го посвети успехот на својот покоен татко, истакнувајќи дека нејзината најголема мотивација била да го направи горд како негова ќерка единствена додека тој ја гледа од небото. Организаторите и нејзините колешки изразија длабоко сочувство до семејството и пријателите, нагласувајќи дека нејзиниот лик и дело никогаш нема да бидат заборавени во модната и забавната индустрија.

 

View this post on Instagram

 

A post shared by Miss Universe Jamaica (@officialmissuniversejamaica)

Зад себе Латоја остави богата кариера со повеќе од една деценија искуство на јавната сцена, каде што работеше како актерка, забавувач и професионален инструктор по танц, а воедно беше препознатлива и по нејзината хуманитарна дејност.

Таа беше иницијатор и активен учесник во проектот „Транзиција“, кој беше посветен на обезбедување обука, едукација и ресурси за адолесцентите со цел полесно да се справат со новите животни околности.

Актуелната Мис Универзум на Јамајка, Габриел Хенри, исто така емотивно се прости од својата колешка, истакнувајќи дека нејзиното заминување е огромен загуба за целата заедница бидејќи Латоја живееше исполнет и бескомпромисен живот со огромна страст, оставајќи неизбришлива трага во срцата на сите што ја познаваа.

Причината за смртта не е објавена.

ВИДЕО | Заврши во болница: Мис Јамајка падна од бината додека дефилираше во вечерна облека

ФОТО | По падот од бината: Откриена здравствена состојба на Мис Јамајка која сè уште е во болница