Минатата недела во Тајланд се одржа изборот за Мис Универзум, кој го следеа низа инциденти и скандали, а еден од нив беше падот на претставничката на Јамајка, д-р Габриел Хенри, од сцената за време на претселекциите. Претседателот на организацијата, Раул Роча, неодамна на својот инстаграм-профил објави и официјално соопштение во врска со овој несреќен настан.

„Сметаме дека работите кои се однесуваат на нејзиното здравје треба да бидат соопштени во соодветно време и исклучиво со дискреција на нејзиното семејство и Хенри, доколку таа така одлучи“, стои во воведот. Роча истакна дека по инцидентот веднаш биле преземени сите потребни мерки, и дека тој лично реагирал кога видел што се случило.

„Лично влегов на сцената, ја координирав итната медицинска помош и го надгледував нејзиниот итен пренос во болница“, напиша тој и додаде: „Бев во итната помош со нејзиното семејство и директно разговарав со нив. Предложив низа мерки на претпазливост, некои и надвор од стандардниот протокол, за да обезбедиме најточна проценка, следење и медицински надзор“.

 

View this post on Instagram

 

A post shared by Raul Rocha (@raulrocha777)

Претседателот на организацијата додаде и дека сите трошоци за лекувањето на мис Јамајка, како и престојот на нејзиното семејство во Тајланд за време на нејзиното закрепнување, биле покриени. Иако последните денови имало одредена загриженост, тој потврди дека нема причина за страв:

„И покрај тоа, благодарение на одличната медицинска грижа, сите проблеми се успешно решени. Денес ни е драго што можеме да споделиме дека последниот медицински извештај потврдува дека Габриел Хенри се чувствува добро и дека наскоро ќе биде отпуштена“.

Со мисицата, која по падот од бината веднаш беше пренесена во болница, цело време биле нејзината мајка и сестра, д-р Филиша Хенри-Самуелс, која претходно изјави:

„Габи не се опоравува толку брзо како што се надевавме, но болницата и понатаму ѝ дава соодветна грижа“