Дел од ракетата „фалкон 9“, лансирана од „Спејс Икс“ во јануари 2025 година, треба да ја погоди Месечината на 5 август. Астрономот Бил Греј и американската вселенска агенција НАСА предупредија за оваа можност. Станува збор за непланиран пад на горната фаза на ракетата што носи две летала за слетување кон Месечината, објави „Еуроњуз“.

На почетокот на јули, Виртуелниот институт за истражување на сончевиот систем на НАСА (SSERVI) организираше панел-дискусија за претстојниот удар. Набљудувачот на Месечината, Брајан Деј, за „Спејс.ком“ изјави дека Месечината е динамична средина и дека промените и ударите се случуваат редовно. Горната фаза на ракетата „фалкон 9“ тежи околу четири тона, а според истиот портал, таа моментално се движи низ вселената со брзина од повеќе од два километри во секунда.

The Roadster launched by Falcon Heavy is still drifting through space in an elliptical orbit around the Sun.

Elon and his SpaceX team may be the ultimate romantics, a romance of engineering, technology, and the future.

When Starship conducts its first lunar payload test, what… pic.twitter.com/wupNFICamv

— Lunar Citizen (@LunarCitizens) July 18, 2026

Моментално се води дебата за тоа дали ударот ќе биде видлив од Земјата. Според некои проценки, објектот би можел да го погоди самиот раб на дискот на Месечината, како што се гледа од нашата планета. Во тој случај, облакот од прашина што би се создал би можел да биде осветлен од Сонцето и на тој начин да стане видлив. Сепак, НАСА верува дека шансите за тоа се мали.

„Мислам дека ќе биде многу, многу тешко да се види, ако не и невозможно“, рече Вилијам Кук, еден од менаџерите на агенцијата“, објави агенцијата ДПА.

Можниот судир првпат беше пресметан во септември минатата година. Пресметката ја направи астрономот Бил Греј од Проектот Плутон, автор на астрономскиот софтвер Guide, кој се користи за следење на објекти во близина на Земјата. Неговата програма го предвиде ударот за 5 август 2026 година. Поранешните анализи дури сугерираа дека судирот е можен во март, за што пишуваше и National Geographic. Греј нагласува дека самиот настан не претставува никаква опасност.

Сепак, поради зголемената количина на вселенски отпад, ваквите инциденти би можеле да станат почести. Сличен инцидент се случи пред четири години, кога сликите од Lunar Reconnaissance Orbiter забележаа удар на остатоци врз Месечината. НАСА во тоа време се сомневаше дека станува збор за дел од стара кинеска ракета, но Кина ги отфрли овие тврдења. Ударите врз Месечината се случуваат и за истражувачки цели, но тие секогаш се планираат.

Предвидениот удар на 5 август не беше дел од планот на мисијата. Компанијата на Илон Маск сè уште не одговорила на барањето за коментар од агенцијата ДПА.