Крис Џенер, мајката на најпознатото ријалити семејство и кралицата на кланот Кардашијан Џенер, менаџерка и мајка на Ким Кардашијан, на најмладата милијардерка Кајли Џенер, Клои Кардашијан, Кендал Џенер, Кортни Кардашијан и синот Роб викендов го прослави својот роденден.

Верувале или не, таа полни 65 години. Иако сигурно чекори во седмата деценија од животот, таа без проблем може да застане рамо до рамо со двојно помлади девојки.

Таа никојпат не крие дека повеќе пати направила естетски корекции и дека тие делумно се заслужни за нејзиниот беспрекорен изглед.

Меѓутоа, тука има и генетика, а може да се забележат и поволните резултати од редовното одење во теретана.

И во овие години Крис е многу активна, а за младоликиот изглед можеби е заслужна и љубовта. Имено таа веќе неколку години ужива во романсата со Кори Гембел кој е 25 години помлад од неа.

Што и да направила на себе, мораме да забележиме дека се е направено со мерка.

Многумина коментираат дека оваа жена денес изгледа подобро отколку кога имала 20 години.