Корисници на „Фејсбук“ од целиот свет во моментов немаат пристат до социјалната мрежа, а според информациите, на милиони профили им се прикажува порака дека акаунтот е „привремено недостапен“.

Според веб-страницата „Даундетектор“, системот за следење на прекини во живо, проблемите првпат започнале околу 3.25 часот наутро по источно време, при што илјадници корисници пријавиле проблеми во Соединетите Држави.

Некои корисници, исто така, пријавиле проблеми со пристапот до „Инстаграм“, кој исто така е во сопственост на компанијата „Мета“.

Пораката која ја добиваат корисниците на „Фејсбук“ гласи:

„Вашиот акаунт моментално е недостапен поради проблем со страницата. Очекуваме ова да се реши наскоро. Обидете се повторно за неколку минути.“