Шумскиот пожар што избувна изминатава недела на околу 100 километри северно од Мадрид зафати повеќе од 13.000 хектари, објавија денес локалните власти.

Пожарот во регионот Гвадалахара уништи 13.000 хектари земја и загрози повеќе од 700 луѓе, објави противпожарната служба одговорна за централниот регион на Шпанија.

Околу 350 пожарникари и припадници на единицата за вонредни ситуации на шпанската армија беа испратени во загрозеното подрачје, со поддршка на 25 авиони, пишува „Монд“.

Пожарот избувна во планинска шумска област што е живеалиште на загрозени видови орли и волци.

Се очекува топлотниот бран да трае до четврток, кога во изолирани области температурата би можела да надмине 45 степени.