Фотографија која крие тајна…

Меган и принцот Хари го воодушевија светот со најновиот портрет кој е создаден пред само неколку дена. Откако го напуштија кралското семејство, војводата и војвотката од Сасекс не можеа да се пофалат со нови фотографии.

Меѓутоа, американскиот магазин „Time“ ги вклучи Хари и Меган во специјалната едиција „Time100 Talks“ како едни од највлијателните гласноговорници во светот. По тој повод настана и оваа прекрасна црно-бела фотографија, прва професионална фотографија по излезот од британскиот кралски двор.

Расположени и насмеани Меган и Хари позираа пред фотоапаратот, а еден детал на раката на славната војвотка го украде целото внимание. Имено, во чест на мајката на Хари, принцезата Дијана, Меган одлучи за фотографирањето на својата лева рака да го стави скапоцениот часовник на Лејди Ди.

Прекрасниот златен „Cartier Tank Française“ часовник кој и припаѓаше на неговата мајка, иако на црно-бела фотографија веднаш го привлече сето внимание. Се проценува дека неговата вредност изнесува околу 23.000 долари.