ВИДЕО | Сексот, дрогата и хомосексуалноста цензурирани во кинеската верзија на „Friends“
Серијата „Friends“, уште од емитувањето во 1994 година има изградено лојална публика која ја одржува во живот без разлика на нејзината опаѓачка уметничка вредност.
Публиката на „Friends“ во Кина беше навредена од „агресивно“ цензурираната верзија на обожаваниот ситком, со изменети реплики и целосно отстранети наративи поврзани со ЛГБТИ тематиката, пишува „Vice“.
Криминална цензура: Кина ги скастри крајот и поентата на култниот филм „Боречки клуб“
Главните видео платформи во земјата, вклучително и „Tencent Video“, „Alibaba’s Youku“ и „Bilibili“, започнаа со емитување на првата сезона на „Friends“ во петокот, одново по две години. Но, обожавателите набрзо открија дека новата верзија е многу поинаква. На пример, никогаш не се спомнува дека поранешната сопруга на Рос, Керол е лезбејка. Новогодишниот бакнеж на Џои и Чендлер во 10-тата епизода никогаш не се случува.
真他媽絕了,砍到劇情都連不上#你可能是正版影視的受害者 pic.twitter.com/zjCzNVtqEB
— Chris 𓃠 (@notmyChris) February 12, 2022
Кога Џои го советува Рос да „оди во стриптиз клубови“, кинеската верзија гласи „оди на претстава“. И кога Рос вели дека жените можат да доживеат „повеќекратни оргазми“ во петтата епизода, репликата е преведена како „жените имаат бескрајни озборувања“.
Во 15-тата епизода, „The One with the Stoned Guy“(„Таа со напушениот тип“), Фиби вели дека нивниот гостин „Iспуши џоинт, знаеш? Запали трева, коноп, ганџа“. Но, кинескиот превод вели „тој пушел некој многу чуден лек“.
Увезените филмови и ТВ емисии често се уредуваат кога ќе бидат одобрени за објавување во Кина, каде што Комунистичката партија бара целата медиумска содржина да го одразува она што смета дека е правилна естетика, морал и идеологија. Кога „Friends: The Reunion“ беше објавен во Кина минатата година, сцените со Лејди Гага, Џастин Бибер и БТС беа отстранети, веројатно поради минатите политички контроверзии.
ФОТО+ВИДЕО | Кои беа најдобрите моменти од „Friends Reunion“?
Иако сцените поврзани со насилство, употреба на дрога и секс често се отстрануваат од странските емисии, луѓето сè уште се шокирани и лути од големата цензура на ситкомот што беше премиерно прикажан пред речиси 28 години.
Метју Пери конечно ќе ја раскаже својата приказна: Автобиографија вредна милионска сума
Почина актерот Џејмс Мајкл Тајлер од серијата „Пријатели“: Збогум Гантер…