Постот е исклучително лековит за телото, доколку се консумираат здрави и избалансирани оброци…

Постот на вода или постот на масло често не оставаат збунети околу тоа што смееме да јадеме, а да ги добиеме сите важни нутриенти за имунитетот и другите функции на организамот.

Нутриционистот Треј Сандерс ги наброја трите намирници кои задолжително треба да се внесуваат кога постите на масло.

Станува збор за одредени видови на зеленчук, риба и ориз.

„Кога го планирам оброкот, ја гледам пошироката слика, па така тој мора да содржи здрави јаглени хидрати, протеини, зеленчук и за десерт нешто што е природно слатко, без додаден шеќер“, изјави тој.

„Во моментот најмногу сакам интегрален ориз, кој е полн со јаглени хидрати со ниско ниво на шеќер. Потоа масна риба, како што е скушата и прокељ како доза за зеленчук“, нагласи тој.

Прокељот многумина не го сакаат бидејќи има по малку чуден вкус и мирис, но Сандерс вели дека тоа е грешка.

„Видовите на прокељ кои денес се одгледуват се многу поинакви од оние порано. Денес тие имаат подобар вкус и мирис, пробајте ќе се уверите. Плус, тој е богат со влакна, витамин Ц и К и фитонутриенти и антиоксиданти“, изјави тој.

За десерт тој препорачува бобинки како овошје, кое е лесно да се комбинира и да се консумира свежо или замрзнато, а исто така е полно со здрави нутриенти.