Српската манекенка Наталија Шчекиќ ја шокира јавноста кај нашиот северен сосед со својата исповед која ја даде за магазинот „Свет“.
Таа открива дека нејзините менаџери и нивните соработници барале од неа да го заведе Новак Ѓоковиќ за да го уништи неговиот брак со сопругата Јелена.
Планот бил Наталија да го намами најдобриот светски тенисер и да го одведе во кревет, а сето тоа да се сними и потоа видеото да излезе во јавноста. На Шчекиќ и биле понудени помеѓу 50 и 60.000 евра.

– Ме повика еден човек од Белград кого го познавам и за кого мислев дека е сериозен менаџцер. Кога ме контактира, помислив дека ме бара за сериозна работа, за преземење на огласи или за фотографирање. Кога започна разговорот и кога ми го кажа планот, прво што помислив дека е некоја скриена камера и почнав да се смеам. Ми изгледаше како шега, но всушност тој човек беше сериозен. Навистина имаа пеколен план, ми беше кажано да го однесам Новак на некое интимно место и сето тоа да го снимам – вели Шчекиќ која открива дека и биле понудени 50-60.000 евра.
– Понудата изнесуваше 50-60.000 евра и патување од соништата по мој избор. Тоа беше голема навреда за мене. Не сум таква девојка, проститутка… Можам само да замислам што би се случило такво нешто и видеото да би било објавено во јавноста. Би настанал тотален хаос, Новак Ѓоковиќ не заслужува вакви работи.