Изминатиот викенд на меѓународниот пливачки маратон „Batllava Lake“, во организација на Пливачката федерација на Косово, пливачкиот клуб Вардар 2018 настапи со само тројца пливачи, но сите се вратија со врвни пласмани.

Петар Цеков освои прво место на трката на пет километри, а беше и апсолутен победник и доби парична награда од 500 евра.

Неда Миленковска дојде до втората позиција на трката на пет километри, беше и второпласирана во апсолутна конкуренција (парична награда 300 евра).

Никола Велковски беше првопласирана на трката на 2,5 километри и беше апсолутен победник (парична награда 300 евра).

Меѓународниот пливачки маратон во Батлава собра пливачи од шест земји, нудејќи квалитетни натпревари во отворени води.