Македонските репрезентативки Марта Димковска и Ева Митевска успешно ги завршија своите настапи на Европското првенство за атлетичари и атлетичарки до 18 години, кое се одржа во Риети, Италија.

Димковска настапи во две дисциплини, во дисциплината 400 метри истрча 59,87 секунди и го освои 39. место во конкуренција од 41 натпреварувачка.

На 200 метри постави нов личен рекорд од 25,42 секунди, подобрувајќи го своето најдобро време за 0,20 секунди, со што го освои 38 место во конкуренција од 40 натпреварувачки.

Митевска настапи на 100 метри, каде со резултат од 12,40 секунди го израмни својот личен рекорд, поставен пред една недела на Балканското првенство во Романија.

Во силна конкуренција од 38 натпреварувачки, Митевска заврши на 35 позиција.