Карлос Алкараз е подготвен за враќање на тениските терени откако последните медицински прегледи покажале дека повредата на зглобот на раката е целосно санирана.

Шпанскиот тениски ас имаше одличен старт на сезоната и го освои Австралија опен, но набргу потоа се соочи со проблеми поради повредата која го принуди на подолга пауза.

Поради незгодата, Алкараз ги пропушти настапите на Ролан Гарос и Вимблдон, но сега повторно е во тренажен процес и започнува подготовки за враќање во натпреварувачки ритам пред САД Опен

Според информациите од шпанските медиуми, новите тестови потврдиле дека неговиот зглоб е целосно заздравен, што претставува големо олеснување за вториот светски рекет и неговиот тим.

Сепак, планот е враќањето да биде постепено, без форсирање и со внимателно дозирање на напорите. Неговиот тим веќе подготвил стратегија за камбекот, а главниот фокус ќе биде ставен на американската турнеја.

Првиот сериозен предизвик за Алкараз се очекува да биде Мастерс турнирот во Синсинати, кој е на програмата од 13 до 23 август, каде Шпанецот ќе ја провери формата пред настапот на последниот грен-слем турнир во сезоната, САД Опен.

Синер остана број еден, Ѓоковиќ напредуваше на АТП листата