Со натпреварот за третото место на Светското првенство, кој ќе се одигра во сабота, официјално ќе заврши 14-годишната ера на Дидие Дешамп како селектор на француската репрезентација.

И покрај тоа што во текот на својот мандат ја предводеше Франција до бројни успеси, меѓу кои и светската титула, неговото заминување доаѓа по пораз во полуфиналето од Шпанија. Французите, кои пред почетокот на Мундијалот беа меѓу главните фаворити за трофејот, не успеаја да најдат решение за играта на избраниците на Луис де ла Фуенте, кои целосно доминираа на теренот.

По натпреварот Дешамп упати критики кон главниот судија Иван Бартон од Ел Салвадор, доведувајќи го во прашање неговиот избор за полуфинален натпревар.

„Денеска нема да давам одговори, туку ќе поставувам прашања. Дали сметате дека овој судија беше на нивото на полуфинале на Светско првенство? И ова не го кажувам затоа што загубивме“, изјави францускиот селектор по средбата.

ВИДЕО | Шпанија е првиот финалист на Светското првенство