Денеска во реваншот од првото квалификациско коло на Лигата на шампионите, фудбалерите на Вардар на гостински терен во Финска остварија победа од 3:2 по продолженијата против Купс.

И покрај триумфот, скопските „црвено-црни“ се елиминирани од натпреварувањето поради победата на Купс од 2:0 во првиот натпревар одигран на Националната арена „Тодор Проески“.

Немаше погодоци по првото полувреме на теренот на Варе Арената во Куопио (0:0).

Вардар успеа да дојде до предност по автоголот на Саволаинен во 59 минута од средбата.

Пред финишот на регуларните 90 минути, играчите на Кристијан Фабијани поведоа со 2:0 од пенал кој го реализираше Закариќ и така останаа во играа за пласман во следната фаза.

Во 100 минута Армах ја намали негативата на домаќините на 2:1, а за само 120 секунди подоцна за 3:1 стрелаше аргентинскиот интернационалец Пулејо.

Непосредно пред крајот на првото продолжение (105+1`), Купс постигна уште еден гол преку Полјакот Паришек.

Купс ќе продолжи во второто квалификациско коло на ЛШ каде ќе игра со подобриот од дуелот меѓу Сабах Баку – ТНС (2:0).

Вардар својот меѓународен настап ова лето ќе го продолжи во второто квалификациско коло на УЕФА Конференциската лига каде ќе игра со поразениот од пресметките меѓу Арарат Ерменија и летонската Рига. По првиот меч, ерменскиот претставник има предност од 2:0.