Поранешниот играч на Астон Вила, Јури Тилеманс од следната сезона ќе игра Манчестер јунајтед, објавија во вторникот англискиот фудбалски клуб.

Тилеманс потпиша петгодишен договор со Манчестер јунајтед, кој, како што објави Би-Би-Си, ја плати откупната клаузула од 35 милиони фунти за 29-годишниот белгиски играч од средниот ред.

Играше за Астон Вила од 2023 година, а оттогаш има вкупно 134 настапи, постигнувајќи 10 гола и запишувајќи 25 асистенции за клубот од Бирмингем.

Тој ја освои титулата во Лигата на Европа со Астон Вила оваа година, а беше прогласен и за играч на годината на клубот за сезоната 2024/25.

Пред да се приклучи на Астон Вила, тој играше за Лестер, Монако и Андерлехт, а е и капитен на белгиската репрезентација, за која одигра вкупно 90 натпревари и постигна 15 голови.

– Потпишувањето договор со толку посебен клуб е неверојатно чувство, тоа е круна на долгогодишна посветеност, од моментот кога се заљубив во фудбалот. Имав привилегија да постигнам успех во овој спорт, а тоа само дополнително ја зајакна мојата желба за нови достигнувања. Амбициите на сите во клубот се сосема јасни – сите сме решени да се бориме за најголемите трофеи во наредните години – рече Тилеманс.

Тилеманс дојде во Манчестер јунајтед по настапот на овогодинешното Светско првенство, каде што ѝ помогна на белгиската репрезентација да стигне до четвртфиналето, во кое не играше поради повреда.

He's here.

Welcome to the United family, Youri 🔏❤️

— Manchester United (@ManUtd) July 14, 2026