Еден од најголемите македонски кошаркарски таленти, Александар Сотир, направи голем трансфер во својата кариера. Само на 17 години, младиот кошаркар потпиша договор со шпанскиот великан Уникаха Малага.

Сотир во новиот клуб пристигнува по две успешни сезони во ЦБИ Елче, каде што со одличните настапи го привлече вниманието на шпанската кошаркарска јавност.

Во новата сезона ќе настапува за јуниорскиот тим до 18 години, но ќе има можност и да тренира со првиот состав на Уникаха.

Зад себе има одлична сезона во која беше прогласен за најдобар кошаркар на Елче, со просек од 17,7 поени и 6,5 скока по натпревар во Првата дивизија на Шпанија.

Самарџиски и понатаму меѓу европската елита – рекорд стар две децении сè уште во топ 10 на ФИБА