Времето денеска ќе биде сончево и топло, со мала до умерена локална облачност и со слаб до умерен ветер од северен правец, најавуваат од Управата за хидрометеоролошки работи.

Утринските температури ќе се движат од 10 до 18 Целзиусови степени, а дневните ќе достигнат од 27 до 38 степени.

Попладне во одделни делови од земјата ќе има услови за изолирана нестабилност, проследена со пороен дожд и со грмежи.

Во Скопје ќе преовладува сончево и топло време со мала до умерена облачност. Ќе дува слаб до умерен северен ветер, а во попладневните часови во делови од котлината се можни краткотраен пороен дожд и грмежи.