Вкупно девет пожари на отворен простор се забележани во текот на денов до 18 часот. Од нив, два сѐ уште се активни, еден пожар е под контрола, останатите се изгаснати, соопштија од Центарот за управување со кризи (ЦУК).

Едниот е шумски пожар на подрачјето на село Бајково, општина Струмица. Другиот е на територијата на село Гарани, општина Кичево, каде што горат ниска вегетација и стрништа.

Под контрола е пожарот во општина Ново Село, во регионот на село Мокриево, каде опожарена е ниска вегетација.

Изгаснатите пожари биле на територија на општините Гази Баба, Гостивар, Кочани, Теарце, Чешиново – Облешево и Шуто Оризари.

Со смарт камери ќе се откриваат пожари на критичните локации