Откако Шпанија со победата над Франција обезбеди место во финалето на Светското првенство, фудбалскиот свет со нетрпение го очекува второто полуфинале меѓу Англија и Аргентина, по кое ќе биде познат и вториот финалист на Мундијалот.

Овој натпревар е многу повеќе од обична битка за место во финалето. Ривалството меѓу Англичаните и Аргентинците трае со децении, а тензијата пред дуелот се чувствува и на теренот и надвор од него.

Двете репрезентации последен пат се сретнаа на официјален натпревар на Светското првенство во 2002 година, кога Англија славеше со 1:0 благодарение на голот на Дејвид Бекам од пенал.

Подоцна Англичаните победија и на пријателски натпревар, но за многумина сè уште не е избришан споменот на легендарната „Божја рака“ на Диего Марадона од Мундијалот во 1986 година, кога Аргентина ја елиминира Англија во еден од најконтроверзните натпревари во историјата на фудбалот.

The lights don’t get brighter than this. England vs Argentina meet in the Semifinals on FOX. 🏴󠁧󠁢󠁥󠁮󠁧󠁿🇦🇷 pic.twitter.com/y3aU56HQ88

— FOX Sports (@FOXSports) July 12, 2026

Дополнителна тежина на ова ривалство му дава и историскиот конфликт меѓу двете земји. Војната за Фолкландските Острови во 1982 година остави длабоки политички и општествени последици, па секој дуел меѓу Англија и Аргентина има и симболична димензија.

Фудбалските аналитичари сметаат дека фаворит речиси и да нема, а шансите за пласман во финалето се речиси израмнети.

Доколку Англија победи, љубителите на фудбалот ќе добијат реприза на финалето од Европското првенство во 2024 година против Шпанија. Тоа би значело дека двете репрезентации две големи финалиња по ред ќе се борат за највредниот трофеј, а Англичаните би добиле можност за реванш.

Од друга страна, евентуален триумф на Аргентина ќе значи продолжување на мисијата за одбрана на светската титула, додека Лионел Меси би направил уште еден огромен чекор кон зацврстување на статусот на еден од најголемите фудбалери во историјата.

Полуфиналето би можело да има големо влијание и во трката за „Златната топка“, бидејќи Хари Кејн и Меси се меѓу главните кандидати за престижното признание.

На хартија Англија можеби располага со поквалитетен состав, но Аргентина важи за селекцијата со најголема сплотеност и тимски дух на турнирот. Токму таквиот менталитет ја одведе до полуфиналето, иако во неколку наврати беше на чекор од елиминација.

🚨 𝐎𝐅𝐅𝐈𝐂𝐈𝐀𝐋: 𝐄𝐍𝐆𝐋𝐀𝐍𝐃 🏴󠁧󠁢󠁥󠁮󠁧󠁿 𝐕𝐒 🇦🇷 𝐀𝐑𝐆𝐄𝐍𝐓𝐈𝐍𝐀 𝐈𝐍 𝐓𝐇𝐄 𝐒𝐄𝐌𝐈-𝐅𝐈𝐍𝐀𝐋 𝐎𝐅 𝐓𝐇𝐄 𝐖𝐎𝐑𝐋𝐃 𝐂𝐔𝐏 😱 pic.twitter.com/f2UyEI6PZv

— 433 (@433) July 12, 2026

Во пресрет на натпреварот повторно се отворија и дебатите околу судењето. Дел од јавноста ја обвинува ФИФА дека има наклонетост кон Аргентина, па затоа изборот на главниот судија предизвика големо внимание.

Правдата ќе ја дели американскиот судија со мароканско потекло Исмаил Елфат, кој нема големо искуство на вакво ниво на натпреварување. Со оглед на големото ривалство и очекуваната тензија, пред него ќе биде еден од најголемите предизвици во кариерата.

Натпреварот ќе се одигра на стадионот „Мерцедес“ во Атланта, пред повеќе од 70.000 гледачи. Иако Англија има бројна поддршка на трибините, се очекува аргентинските навивачи повторно да создадат препознатлива, жешка атмосфера.

Тухел има план за Меси: Го запревме Халанд, имаме план како да запреме и 39-годишен фудбалер

Меси вечерва првпат ќе игра против Англија