Белгискиот репрезентативец Леандро Тросар го напушти Арсенал и кариерата ќе ја продолжи во редовите на турскиот гигант Бешикташ. Клубот од Истанбул го потврди трансферот, а според британските медиуми, зделката е вредна 20 милиони евра.

Тросар пристигна на „Емирати“ во јануари 2023 година од Брајтон, а во изминатите три и пол сезони се етаблираше како еден од најкорисните офанзивци во тимот на Микел Артета. Значаен придонес даде и во шампионската сезона на „топчиите“, кога Арсенал ја освои првата титула во Премиер лигата по повеќе од две децении, постигнувајќи шест првенствени голови.

Тросар беше стартер за Арсенал и во финалето на Лигата на шампионите против ПСЖ, а како стандарден репрезентативец на Белгија настапи на сите шест натпревари на Светското првенство, каде што неговата селекција стигна до четвртфиналето.