Шпанија со победата од 2:0 над Франција обезбеди пласман во финалето на Светското првенство, а веднаш по големиот триумф дел од навивачите се потсетија нна една стара објава на Педри, која денес изгледа како пророштво.

Фудбалерот од средниот ред на Барселона минатата година, по поразот на Шпанија од Португалија во финалето на Лигата на нации, на Инстаграм објави фотографија на која се наоѓа заедно со Ламин Јамал и Нико Вилијамс.

Под фотографијата стоеше само еден мистериозен број, „190726“, кој во тоа време ги збуни навивачите. Речиси никој не знаеше што сака да порача Педри, зошто го избрал токму тој број и дали зад него се крие некаква порака од соблекувалната на шпанската репрезентација.

Over one year ago, Pedri posted on Instagram with the caption “19 07 26”… The date of the World Cup final 📲

Tonight, he and Spain made it. 🤯👏 pic.twitter.com/e3iGy3xcIx

— Football on TNT Sports (@footballontnt) July 14, 2026

Но, по пласманот во финалето, објавата доби сосема ново значење. Бројот „190726“ може да се прочита како датум, 19.07.2026, токму денот кога Шпанија ќе го игра финалето на Светското првенство.

Практично, веднаш по разочарувачкиот пораз од Португалија во финалето на Лигата на нации, Педри го објавил датумот на финалето сакајќи да најави дека ќе се вратат на најголемата сцена многу брзо што тоа и се случи. Во финалето Шпанците ќе се соочат со подобриот од дуелот помеѓу Англија и Аргентина кој се игра денеска исто така од 21:00 часот.

Шпанија вчера само ја продолжи доминацијата над Франција, Јамал е кошмар за Мбапе

Фабијан Руиз е во неверојатна низа — кога е тој на теренот, Шпанија никогаш не губи

ВИДЕО | Магијата на Мундијалот: Англичанец ја продал куќата само за да отпатува во САД