Тухел има план за Меси: Го запревме Халанд, имаме план како да запреме и 39-годишен фудбалер
Само неколку часа пред полуфиналниот дуел меѓу Аргентина и Англија, селекторот на „гордиот албион“ Томас Тухел испрати јасна порака – Англија има план како да го запре Лионел Меси.
Препорачано
Германскиот стратег призна дека аргентинскиот капитен е еден од најдобрите фудбалери во историјата, но верува дека неговиот тим е подготвен за најголемиот предизвик на турнирот.
„Неверојатно е како успева да го прави тоа секој пат, на толку многу различни начини. Меси наоѓа простор таму каде што го нема, ги наоѓа вистинските моменти, а неговата најголема сила е што целиот аргентински тим трча и умира за неговата идеја. Но, мора да бидеме храбри. Мора да ја прекинеме неговата поддршка. Тој е сосема различен профил на играч од Ерлинг Халанд, но ние направивме одлична работа против Ерлинг во четвртфиналето и целосно го исклучивме. Ќе најдеме начин и за овој човек“, изјави Тухел.
Од друга страна, капитенот Хари Кејн предупредува дека Англија не смее целосно да се фокусира само на аргентинската „десетка“.
„Меси е еден од најдобрите играчи во историјата и сите знаеме колку е опасен. Но, ние играме против Аргентина, а не само против Меси. Ако мислиме само на него, ќе паднеме во стапица, бидејќи Аргентина има одличен тим кој се бори до последната минута“, рече Кејн.
За капитенот на Англија овој натпревар има и дополнително значење. Полуфиналето ќе биде негов 121. настап во националниот дрес, со што ќе се доближи до самиот врв на вечната листа на англиски репрезентативци.
Бура пред полуфиналето: милиони навивачи бараат Аргентина да биде исфрлена од Светското првенство
Англија сонува за прва светска титула по 1966 година, додека Аргентина е на два чекора од одбрана на мундијалскиот трофеј. Големото полуфинале меѓу двете фудбалски сили се игра вечерва во Атланта, а победникот ќе се сретне со Шпанија во финалето.
„Неверојатно е како успева да го прави тоа секојпат, на толку различни начини. Меси секогаш наоѓа простор и вистински момент, а неговата најголема сила е што целиот тим игра за него. Но, мора да бидеме храбри и да ја прекинеме неговата поддршка. Против Халанд во четвртфиналето одигравме одлично и целосно го исклучивме. Ќе најдеме начин и за Меси“, изјави Тухел.
