Една од најискусните македонски ракометарки, Елена Ѓорѓиевска ќе ја продолжи својата интернационална кариера во Србија, откако официјално потпиша за белградска Црвена звезда.

Искусната 36-годишна ракометарка, која настапува на позицијата десен бек, пристигнува како едно од главните засилувања на српскиот клуб во пресрет на новата сезона. Со богато меѓународно искуство и настапи за повеќе европски екипи, Ѓорѓиевска треба да донесе дополнителен квалитет и лидерство во составот на Црвена звезда.

Во изминатата сезона таа беше дел од турски Одунпазари, а во својата успешна кариера има освоено и титула во Лигата на шампионите со Будуќност.

Со овој трансфер, Ѓорѓиевска се придружи на уште една македонска ракометарка во редовите на Црвена звезда, репрезентативната голманка Јована Мицевска, која веќе е дел од белградскиот клуб.

Саздовска, Ѓорѓиевска и Маџовска ја завршија репрезентативната кариера

Македонска голманка е пред трансфер во Црвена звезда