Европската радиодифузна унија (ЕБУ) и Европската атлетика воведоа нови и построги насоки за телевизиските преноси на атлетските натпреварувања, со цел да се стави крај на, како што наведуваат, сексуализацијата на спортистките.

Со новите препораки, телевизиските куќи и режисерите на преносите се повикуваат да престанат да користат одредени агли на снимање, кои се оценети како непримерни и сексуализирачки. По тој повод е објавен и официјален документ од 23 страници со наслов „Raising the Bar“ („Подигнување на стандардите“), изработен во соработка меѓу ЕБУ и Европската атлетика. Во документот се прикажани и визуелни примери за тоа кои кадри повеќе не треба да се користат во телевизиските преноси.

Според новите насоки, емитерите треба да избегнуваат снимање од ниски агли, како и кадри што непотребно го истакнуваат телото на натпреварувачките. Посебен акцент е ставен и наз забавените снимки кои отсега не треба да траат предолго ниту да бидат насочени кон физичкиот изглед на спортистките наместо кон нивниот настап.

Новите правила предвидуваат телевизиските преноси да бидат фокусирани исклучиво на спортските перформанси, техничката изведба и емоциите на натпреварувачите. Воедно, се препорачува почеста употреба на пошироки кадри, кои на посоодветен начин ја доловуваат атмосферата и текот на натпреварувањето.

New broadcasting guidelines for women’s athletics have been released to crack down on camera angles and slow-motion replays that ‘sexualize’ athletes

The guidelines highlight shots broadcasters are urged to avoid pic.twitter.com/QGxAiMlvfE

— Dexerto (@Dexerto) July 14, 2026