Ѓорческа по речиси три часа борба елиминирана во првото коло од челинџер во Рим
Најдобрата македонска тенисерка Лина Ѓорческа го заврши настапот уште во првото коло на челинџер турнирот во Рим, откако по голема борба беше поразена од домашната тенисерка Дебора Киеза со 2:1 во сетови.
Препорачано
Дуелот траеше речиси три часа и понуди неизвесна игра, а Ѓорческа подобро го отвори мечот. Во првиот сет двете тенисерки имаа проблеми на свој сервис и до резултат 3:3 по двапати си направија брејк, по што сетот беше решен во тај-брејк. Македонската тенисерка таму доминираше и со убедливи 7:1 го доби тај-брејкот за водство од 1:0 во сетови.
Сепак, Киеза успеа да се врати во продолжението. Во вториот сет Италијанката направи четири брејка, додека Ѓорческа возврати со три, што беше доволно домашната претставничка да го добие сетот со 6:3 и да израмни на 1:1.
Во решавачкиот сет Киеза повторно славеше со 6:3, со што обезбеди пласман во осминафиналето на турнирот во Рим. За Ѓорческа ова беше прв настап по учеството на Вимблдон, каде што стигна до главната ждрепка, а во првото коло беше елиминирана од Аманда Анисимова.
