Не е заинтересиран само за давање голови – Халанд троши богатство и на луксузни чанти
Норвешката фудбалска суперѕвезда Ерлинг Халанд не ги освои само срцата на љубителите на спортот со својот неверојатен талент на теренот и својата опуштена природа, туку ги воодушеви и љубителите на модата со својата импресивна колекција на чанти „Биркин“. Дваесет и петгодишниот напаѓач, кој често добива пофалби за својот стил на облекување, поседува колекција вредна околу 500.000 долари, во која има и повеќе лимитирани изданија.
Препорачано
Халанд и „Хермес“
Ерлинг е сопственик на неколку чанти „Hermès Haut à Courroies“ (HAC), кои се особено ценети бидејќи се појавиле пред легендарната „Биркин“ чанта и се сметаат за основа на кожните чанти на модната куќа „Хермес“. HAC моделите се поголеми од „Биркин“ и првично биле дизајнирани за коњаници.
„Биркин“ момче
Тој поседува најмалку четири HAC 50 модели, меѓу кои и две лимитирани чанти „Endless Roads“, украсени со мотив на планински пат. Секоја од нив се продава за околу 45.000 долари.
Неговиот модел „Evercalf Toile Cargo HAC“ 40 вреди околу 50.000 долари, додека црниот Multi-Pocket HAC 40 се продава за приближно 69.500 долари.
Покрај тоа, Халанд поседува и „HAC Rock Black“, чија вредност е околу 68.000 долари.
Во неговата колекција има и помали чанти, како „Black and Orange Togo HAC Casaque 40“, која на пазарот за препродажба достигнува цена од околу 33.000 долари, како и Kelly Depeches 25, чија цена надминува 13.000 долари.
View this post on Instagram
Долгогодишна љубов
Неговата долгогодишна девојка, Изабел Хаугсенг Јохансен, исто така поседува ексклузивна чанта, „Hermès Birkin 25 Himalaya Niloticus Crocodile“, за која, според медиумите, Халанд платил 440.000 долари на аукција.
Нивната љубовна врска започнала во 2021 година, а всушност тие се познаваат уште од детството бидејќи пораснале во истиот норвешки град – Брине. Како деца дури играле и за истиот фудбалски клуб, а денес имаат син, роден во декември 2024 година.
Ѕвездата на Манчестер сити во интервју за „NRK“ откри дека Изабел го направила првиот чекор во нивната врска, испраќајќи му порака на социјалните мрежи.
„Таа ми испрати порака. Игравме за истиот клуб, Брине. Таа ме забележа мене, јас не ја забележав неа“, изјави Халанд.
Тој додаде дека двајцата сакаат да играат видеоигри во слободното време.
„И таа сака да игра игри. Заедно играме ‘Minecraft‘. Седиме, градиме куќи и уживаме. Или се враќаме во Брине и си нарачуваме ќебапи“, рече тој.
И покрај неговите едноставни хобија, Халанд располага со богатство проценето на околу 80 милиони долари, според „Forbes“. Со тоа тој е четвртиот најплатен фудбалер на Светското првенство во 2026 година, зад Кристијано Роналдо, Лионел Меси и Килијан Мбапе.
Неговото богатство произлегува од повеќемилионскиот договор со Манчестер сити, кој беше обновен во 2025 година, како и од неговите бројни недвижности ширум светот.
Според „Architectural Digest“, Халанд поседува вила во Марбеља, Шпанија, вредна 7,2 милиони долари, стан во Манчестер, имот во Осло вреден 3,2 милиони долари, како и куќа со 10 спални соби во Чешир, чија вредност се проценува на околу 8,21 милиони долари.
Најдобриот „џокер“ од клупата: Она за што многумина само сонуваат, за Микел Мерино е секојдневие
