Трагедија е избегната со голема среќа попладнево на реката Треска кај Скопје, кога три момчиња, едно на возраст од 18 и две кои имаат по 15 години, биле однесени од нагло надојдената вода поради зголемен испуст од браната „Матка“ за потребите на производство на електрична енергија, соопшти ЦУК.

Едното момче веднаш било извлечено од реката, додека другите две се пронајдени и спасени низводно по течението на Треска.

Децата немаат видливи повреди и се во добра состојба, велат од ЦУК.

Пријавата е примена на бројот 112, а во акцијата за спасување учествувале припадници на Територијалната противпожарна единица, полициски службеници, екипа на Итната медицинска помош и жители на Општина Сарај.

Очевидец спасил маж кој се давел во реката Вардар