Дебитантскиот настап на Зеленортските Острови на Светското првенство добива уште поголема тежина по комплетирањето на финалето, во кое за шампионската титула ќе се соочат Шпанија и Аргентина.

Токму овие две репрезентации беа противници на африканската селекција на годинашниот Мундијал, а интересно е што Зеленортските Острови не беа поразени од ниту една во регуларните 90 минути.

Во воведното коло од групната фаза одиграа 0-0 против Шпанија, резултат што привлече големо внимание и ги претвори во едно од најпријатните изненадувања на турнирот. Подоцна изборија место во нокаут-фазата, каде во шеснаесетфиналето се сретнаа со актуелниот светски шампион Аргентина. По нерешените 1-1 во регуларниот тек, Аргентинците до триумфот стигнаа по продолженијата, славејќи со 3-2.

Интересна е и споредбата со Австрија, која исто така се соочи со двата финалисти. Австријците беа поразени со 0-2 од Аргентина во групната фаза, а потоа во шеснаесетфиналето загубија и од Шпанија со убедливи 0-3.

ВИДЕО | Досега е доста успешно — кучето Елфи прогнозира дека Аргентина ќе ја победи Англија