Најмалку 20 ученици и еден возрасен вчера загинаа откако автобус со деца кои биле на студиска посета се превртел во Источна Уганда, во една од најсмртоносните сообраќајни несреќи со деца во земјата во последните години, објави „Би-би-си“.

Десетици други луѓе, меѓу кои и вработени во училиштето, биле повредени во несреќата во областа Капчорва.

Првичните истраги покажуваат дека автобусот имал механички дефект пред возачот да изгуби контрола на возилото на ридот Чеквати, дел од патот каде што во минатото се случиле неколку тешки несреќи, соопштија локалните власти.

„Според пријавеното, возачот изгубил контрола над возилото, кое излетало од патот, удрило во голем камен покрај коловозот и се превртело“, соопшти полицијата.

THE TRAGEDY AND HORROR OF KAPCHORWA

Over twenty school children are reported to have died in a road crash involving a bus. I am struggling to put into words what this means. When I saw the news on this X platform close to midnight, the shock was immediate and overwhelming. I… https://t.co/qduCd7EXaH pic.twitter.com/O5XXsqEBkd

— Ronald Amanyire (@amronaldo) July 17, 2026

Автобусот кој превезувал ученици од основното училиште „Кинг Дејвид Џуниор“ во Ндеџе, се урнал околу 20:00 часот по локално време во селото Чеквати, во областа Кавово, соопшти полицијата.

„За жал, 20 деца и еден возрасен човек, основачот и директор на училиштето, г. Тадео Секаде, заминаа кај Господ“, напиша на платформата „Икс“ министерот за локална самоуправа Балаам Атенји Баругараха, кој бил на местото на несреќата.

На видеата што ги споделија очевидци се гледа тешко оштетениот автобус, додека локалните жители брзале да им помогнат на повредените деца.

Учениците се враќале од студиска посета, а локалните медиуми објавија дека го посетиле водопадот Сипи, туристичка локација во земјата.

Во Уганда секоја година се регистрираат илјадници жртви во сообраќајни несреќи, а меѓу главните причини, според сообраќајните власти, се пребрзото возење, лошо одржуваните возила и опасните патишта.

Последната несреќа доаѓа во период на зголемена загриженост за безбедноста на училишниот превоз, откако во земјата во последните недели беа пријавени неколку тешки автобуски несреќи.

ВИДЕО | Автобус се преврте во Турција — загина една патничка, 40 се повредени