Соединетите Американски Држави во текот на ноќта ги проширија воздушните напади врз Иран, насочувајќи се кон мостови во јужната покраина Хормозган и уривајќи кула во пристаништето Чабахар, додека Иран возврати со ракетни напади врз Катар, Бахреин и Кувајт, објави Ројтерс.

Според иранските државни медиуми, најмалку седум лица се убиени во нападите врз градот Бандар Хамир, а погодени се и патни и железнички мостови што го поврзуваат главното иранско пристаниште Бандар Абас со внатрешноста на земјата.

Ќе ги уништиме сите електрани и мостови на Иран ако не преговараат, се закани Трамп

Централната команда на САД објави дека во текот на ноќта извршила напади врз десетици цели, шеста ноќ по ред од новата воена кампања против Иран.

Нападите, исто така, ја соборија контролната кула во пристаништето Чабахар на Оманскиот Залив, важна трговска точка за Авганистан, додека американскиот министер за одбрана Пит Хегсет објави видео од нејзиното уривање.

Иран одговори со ракетни напади врз Катар, Бахреин и Кувајт. Катарските власти соопштија дека едно дете е повредено од фрагменти од соборени ракети, додека Јордан соопшти дека пресретнал три ирански ракети.

Иранците погодија брод и го затворија Ормускиот Теснец — САД возвратија со удар

Претседателот на САД, Доналд Трамп, изјави дека воената кампања против Иран напредува успешно и повтори дека Вашингтон ќе продолжи со притисокот за да го принуди Техеран да се откаже од блокадата на Ормускиот теснец, низ кој минуваше околу една петтина од светската трговија со нафта и гас пред конфликтот.

САД и Иран повторно во ескалација: нови напади, закани и стравувања од „вечна војна“