Украинскиот претседател Володимир Зеленски го назначи Евгениј Хмара, досегашниот шеф на Службата за безбедност на Украина (СБУ), за нов вршител на должноста министер за одбрана, пренесува БТА.

Зеленски го соопшти ова на својот канал на Телеграм, наведувајќи дека тој и Хмара разговарале за спроведување операции со оружје со долг дострел против Русија, како и за обезбедување на потребната опрема за вооружените сили на Украина.

„Му доверив на Евгениј Хмара да ја извршува функцијата министер, да ги продолжи реформите во одбранбениот сектор и да ѝ ги обезбеди на Украина сите оние резултати за кои разговаравме. Откако ќе бидат завршени сите правни процедури, ќе им предложам на пратениците да ја одобрат кандидатурата на Евгениј Хмара за функцијата министер за одбрана на Украина“, изјави украинскиот претседател.

Се очекува официјализацијата да се случи на следната пленарна седница по парламентарната пауза, на 18 август.

Ова се случува во време на демонстрации во Киев, откако Зеленски го разреши досегашниот министер за одбрана Михајло Федоров, а во парламентот беше избран новиот премиер, Сергеј Корецки, по оставката на Јулија Свириденко.

Одлука за разрешување на Фодоров предизвикува значително незадоволство кај војската, како и кај делови од граѓанското општество.

Толпа народ, претежно млади луѓе, се собраа во Киев, држејќи транспаренти на кои пишуваше „Тргни ги рацете од Федоров“ и „Престани да ја саботираш победата!“ и скандирајќи „Срам!“.

ВИДЕО | Украинци протестираа во Киев против разрешувањето на министерот за одбрана