Патнички автобус утрово излетал од патот и се превртел во турската провинција Кирикале, при што загинала една жена, а 40 други биле повредени, објави „Анадолија“.

Автобусот, на компанијата „Суха Туризм“, патувал од Текирдаг кон Кајсери кога возачот изгубил контрола и автобусот се превртел во близина на Државната болница Каракечили, на патот Каман-Анкара.

По пријавата за несреќата, на местото биле испратени екипи на турската Агенција за управување со катастрофи и вонредни состојби, пожарникари, медицински екипи, жандармерија и полиција.

Во несреќата биле повредени вкупно 41 човек, меѓу кои и тројца луѓе со тешки повреди. Една од повредените патнички, Текмиле Атасој, била пренесена со брза помош во болница во градот, но починала и покрај укажаната медицинска помош.

Tekirdağ-Kayseri seferini yapan otobüsün Karakeçili mevkiinde yoldan çıkması sonucu meydana gelen kazada, 3’ü ağır 41 kişi yaralandı.

Kırıkkale Valisi Hüseyin Engin Sarıibrahim:

🗣️ “38 yolcu, 2 şoför, 1 muavin toplam 41 kişi yaralandı. Yaralılar olay yerinden hastanelere sevk… https://t.co/k6ZhM58g2s pic.twitter.com/CIJv1mQtaZ

— Halk TV (@halktvcomtr) July 7, 2026

„Повредените од местото на несреќата биле пренесени во болници. Сметаме дека тројца од нив се во тешка состојба. Коловозот станал лизгав поради првиот утрински мраз. Ова била несреќа предизвикана од лизгавите услови на патот“, изјави гувернерот на Кирикале, Хусеин Енгин Сарибрахим.

Сариибрахим им посака брзо закрепнување на повредените и додаде дека возачот на автобусот бил приведен, додека истрагата за несреќата продолжува.

ВИДЕО | Автобус излета од патот во Турција, 4 загинати, 13 повредени