Полицајци во Велес вчера ја уапсиле 30-годишната Т.Д. од Велес, под сомнение дека во домот со остар предмет го избола нејзиниот 37-годишен вонбрачен сопруг, соопшти МВР.

„Повредениот бил пренесен во Општата болница во Велес за укажување лекарска помош, а Т.Д. била приведена и задржана во полициска станица, информираа од полицијата. Од страна на полициски службеници предметот бил пронајден и одземен, известен е јавен обвинител и по целосно расчистување и документирање на настанот, против Т.Д. ќе биде поднесена кривична пријава за кривично дело обид за убиство при семејно насилство, казниво по член 123 во врска со член 19 од Кривичниот законик“, се вели во соопштението.

Скопски насилник го натепал девојчето на партнерката во три наутро