Двајца млади жители на тетовското село Пирок се тешко повредени откако со четирицикл излетаа од патот кај тетовското село Лисец, соопштија од тетовската полиција.

„На 5 јули во 21:24 часот од Клиничката болница во Тетово било пријавено дека кај нив за укажување лекарска помош биле донесени две повредени лица. По извршените проверки, полициски службеници утврдиле дека четирицикл управуван од Ф.М. (20) од селото Пирок, на кој како сопатник бил А.Х. (19), исто така од Пирок, излетал од коловозот. Во несреќата возачот се здобил со тешки телесни повреди и поради сериозноста на повредите бил префрлен во Комплексот клиники „Мајка Тереза“ во Скопје. Сопатникот се здобил со телесни повреди“ соопшти полицијата.

Увид на местото на несреќата извршила екипа на СВР Тетово.

Приведен 63-годишник од гостиварско, полицијата во куќата му нашла 116 грама хашиш