Новак Ѓоковиќ испиша нова страница во историјата на Вимблдон, откако со победата над Роман Сафиулин од 3-1 во сетови (7-6, 6-3, 3-6, 6-3) стана тенисерот со најмногу триумфи на престижниот турнир.

Српскиот ас со овој успех стигна до својата 106. победа на Вимблдон и го надмина рекордот на Роџер Федерер, кој досега беше осамен на врвот со 105 победи. По претходниот натпревар двајцата беа израмнети, но Ѓоковиќ сега останува сам на лидерската позиција на вечната листа.

Дуелот не започна лесно за Ѓоковиќ. Во првиот сет се водеше голема борба, па победникот беше решен во тајбрејк, каде што Србинот беше посигурен и славеше со 8-6 за водство од 1-0 во сетови.

Во вториот сет Ѓоковиќ го подигна нивото на игра и со 6-3 ја зголеми предноста, но Сафиулин не се предаде и со идентичен резултат го освои третиот сет, враќајќи ја неизвесноста во мечот.

Сепак, фаворитот не дозволи изненадување. Во четвртиот сет повторно триумфираше со 6-3 и го завери пласманот во четвртфиналето, каде што ќе се сретне со победникот од пресметката меѓу Феликс Оже-Алијасим и Алехандро Давидович Фокина.